Ужо сёньня: 55 гадоў таму нарадзіўся Вітольд Ашурак

Дзень у гісторыі

1795 — у Санкт-Пецярбургу ўпаўнаважаныя Аўстра-Вугоршчыны, Прусіі і Расеі падпісалі канвэнцыю аб трэцім падзеле Рэчы Паспалітай.

1900 — апублікаваная асноўная кніга Зыгмунда Фройда «Тлумачэньне сноў».

1910 — у Санкт-Пецярбургу ў друкарні Пянткоўскага выходзіць другі паэтычны зборнік Янкі Купалы «Гусьляр».

Янка Купала

1929 — у Менску пачаўся рух электрычных трамваяў.

1960 — з канвэеру Беларускага аўтамабільнага заводу ў Жодзіне сышоў першы 40-тонны самазвал.

1999 — 25 гадоў таму у сыстэме каталіцкай царквы Беларусі загадам папы Яна Паўла II на просьбу кардынала Казіміра Сьвёнтка створаная Віцебская дыяцэзія, якая ўваходзіць у склад Менска-Магілёўскай мітраполіі.

2020 — раніцай у цэнтры Менску міліцыянты схапілі аднаго з уласьнікаў крамы «Первый цветной» Максіма Харошына разам з жонкай. Мужчыну брутальна зьбілі ў міліцыі, адкуль яго адразу адправілі ў шпіталь.

У гэты дзень нарадзіліся

1847 — Эдвард Вайніловіч, гаспадарчы і палітычны дзеяч, мэмуарыст. У 1905–1910 гадах на грошы Вайніловіча пабудавалі Чырвоны касьцёл у памяць пра ягоных дзяцей, якія заўчасна памерлі, — Сымона і Алену Вайніловічаў.

1884 — Баляслаў Пачопка, дзяяч беларускага хрысьціянскага руху, сталы аўтар газэты «Наша Ніва», рэдактар-выдавец першае беларускае каталіцкае газэты «Biełarus», (1913–1915), уніяцкі сьвятар.

1888 — Язэп Драздовіч, беларускі мастак, скульптар, этнограф.

Язэп Драздовіч, Космаполіс. 1931 г.

1896 — Мікола Шчакаціхін, мастацтвазнавец, гісторык, тэарэтык мастацтва, дасьледаваў выяўленчае мастацтва і архітэктуру Беларусі ад старажытных часоў да сучаснасьці.

1925 — Маргарэт Тэтчэр, прэм’ер-міністарка Вялікай Брытаніі.

1941 — Вера Церлюкевіч, рабочая, удзельніца нацыянальна-дэмакратычнага руху 1990-х.

Вера Церлюкевіч на мітынгу ў дні путчу, жнівень 1991 г. Фота Ул. Кармілкіна.

1970 — Вітольд Ашурак, беларускі палітвязень. Памёр у турме ў траўні 2021 пры нявысьветленых абставінах.

1953 — Вячаслаў Ракіцкі, тэатразнаўца, сцэнарыст і рэжысэр дакумэнтальнага кіно, журналіст.

У памяці

1810 — Ян Нікадзім Лапацінскі, дзяржаўны дзяяч ВКЛ, мэцэнат, калекцыянэр, майстар гравіроўкі па медзі.

1962 — Павал Гуткоўскі, мастак-графік, вязень ГУЛАГу.

1979 — Дзьмiтры Лукас, кампазытар, аўтар опэры «Кастусь Каліноўскі».

1986 — Андрэй Бембель, скульптар, народны мастак Беларусі.

2001 — Максім Лужанін, беларускі паэт, літаратуразнаўца.

Апошняе інтэрвію Максіма Лужаніна

2004 — Уладзімер Міхнюк, гісторык.