Як паведаміла прэсавая служба Міністэрства абароны Беларусі, у вучэньнях будуць таксама ўдзельнічаць падразьдзелы з Казахстану, Кіргізстану і Расеі.
На вучэньнях да 19 кастрычніка будуць практыкавацца ў навыках «міратворчай дзейнасьці і разам працаваць над ліквідацыяй крыніцаў біялягічных пагрозаў», а акцэнт будзе зроблены на «зладжанасьці дзеяньняў у апэратыўным рэагаваньні на крызісныя сытуацыі».
ГЛЯДЗІЦЕ ТАКСАМА: У Беларусі пачаліся вучэньні АДКБАДКБ — вайскова-палітычны блёк, мэтамі якога заяўленыя «ўмацаваньне міру, міжнароднай і рэгіянальнай бясьпекі і стабільнасьці, абарона на калектыўнай аснове незалежнасьці, тэрытарыяльнай цэласнасьці і сувэрэнітэту дзяржаваў-удзельніц». У яго ўваходзяць Армэнія, Беларусь, Казахстан, Кіргізстан, Расея і Таджыкістан.
З 2024 году Армэнія прыпыніла ўдзел у палітычных і вайсковых захадах арганізацыі. Сёлета ў сакавіку Армэнія афіцыйна апавясьціла сакратарыят АДКБ, што ня будзе плаціць складак у бюджэт АДКБ.