Кіраўнік Данецкай абласной вайсковай адміністрацыі Вадзім Філашкін паведаміў аб гібелі карэспандэнткі і апэратара ўкраінскага тэлеканалу FREEДОМ Алены Губанавай і Яўгена Кармазіна.
«Зь першых дзён поўнамаштабнага ўварваньня Расеі яны асьвятлялі сытуацыю ў вобласьці, расказвалі праўду пра варожыя злачынствы, эвакуацыю цывільнага насельніцтва, гісторыі нашых абаронцаў. Яны працавалі ў найбольш гарачых месцах Данеччыны, былі заўсёды першыя», — паведаміў кіраўнік Данецкай вобласьці.
Паводле яго, журналісты загінулі ў выніку ўдару расейскага дрону «Ланцэт».
Згодна з інфармацыяй Нацыянальнага саюзу журналістаў Украіны, з пачатку поўнамаштабнага расейскага ваеннага ўварваньня ў выніку расейскіх абстрэлаў загінулі сама меней 133 журналісты, некаторыя зь іх ваявалі ў складзе Ўзброеных сілаў Украіны.
ГЛЯДЗІЦЕ ТАКСАМА: У Кіеве ад дронаў пацярпелі сынагога і дзіцячы садок. У васьмі расейскіх аэрапортах уводзілі абмежаваньні