Як паведаміў тэлеканал «Мазыр», на жыхароў гораду адбываецца атака махляроў. Зламысьнікі тэлефанавалі на мабільныя і стацыянарныя нумары і ў мэсэнджары жыхароў Мазыра пад выглядам супрацоўнікаў «Белтэлекаму», ЖКГ, паліклінікі й іншых дзяржаўных установаў.
Яны патрабавалі ад пацярпелых выдаць зьмест SMS-паведамленьняў і асабовыя зьвесткі.
У большасьці выпадкаў грамадзяне не паведамлялі зламысьнікам сваіх рэквізытаў, аднак некаторыя паведамілі. Ахвяры страцілі свае ашчаджэньні, паведаміў тэлеканал. А некаторых людзей махляры залучылі ў крымінальныя схемы ў якасьці кур’ераў.
У Сьледчым камітэце Беларусі раней паведамілі аб пашырэньні махлярскай схемы выманьваньня грошай у грамадзян, калі іх запалохваюць «справамі ў КДБ». У паведамленьні, у прыватнасьці, апісаныя два выпадкі ў Гомельскай вобласьці.
ГЛЯДЗІЦЕ ТАКСАМА: У Беларусі махляры запалохваюць «справамі ў КДБ», каб грамадзяне адкупляліся