На тэрыторыі Беларусі функцыянуе мноства дублёравых сэрвісаў у галіне перавозак пасажыраў, паміж якімі не наладжана належная ўзаемадзея. У выніку грамадзяне «вымушаныя наведваць некалькі сайтаў для зьдзяйсьненьня паездкі, што абцяжарвае працэс плянаваньня маршруту і куплі квіткоў».
Пра гэта напісала прадстаўніца Міністэрства фінансаў Ала Рыжкова ў артыкуле для навукова-практычнага часопісу «Финансы. Учет. Аудит», заўважыў Позірк.
У яе «выклікае асьцярогі і тое, што частка профільных інтэрнэт-рэсурсаў фізычна разьмешчаная за межамі краіны, а гэта нясе рызыкі з пункту гледжаньня нацыянальнай бясьпекі».
На думку аўтара, для разьвязаньня названых праблемаў насьпела «аб’ектыўная патрэба ў стварэньні дзяржаўнай інфармацыйнай сыстэмы з мэтай зьдзяйсьненьня пасажырамі міжгародніх і прыгарадных „бясшвовых паездак“, якая аб’ядноўвае розныя віды транспарту».
ГЛЯДЗІЦЕ ТАКСАМА: «Чаму за квіткі на 180 кілямэтраў дарогі трэба плаціць 80 эўра?». Як беларусы цяпер езьдзяць празь мяжу з Эўразьвязам