Пра гэта паведамляе літоўскае інфармацыйнае агенцтва Elta з спасылкай на Дзяржаўную памежную службу Літвы (VSAT).
На 3 лістапада тры краіны не далі трапіць на сваю тэрыторыю 200 042 мігрантам зь Беларусі.
Паводле зьвестак памежнікаў, найбольшы ціск пяты год запар адчувае Польшча — яна не ўпусьціла на сваю тэрыторыю 135 810 мігрантаў.
ГЛЯДЗІЦЕ ТАКСАМА: Мігранты з нажніцамі, рыдлёўкамі і драбінамі спрабавалі вялікімі групамі прарвацца ў Літву зь БеларусіЯк гаворыцца ў прэс-рэлізе Дзяржаўнай службы ў пытаньнях міграцыі, найбольш значным прарывам у кантролі штучна інсьпіраванага працэсу нелегальнай міграцыі стала палітыка вяртаньня, легалізаваная ў Літве, Польшчы й Латвіі і пачатая ў жніўні 2021 году.
Ад 3 жніўня 2021 году супрацоўнікі Службы дзяржаўнай бясьпекі Літвы атрымалі права вяртаць імігрантаў, якія спрабуюць перасекчы мяжу з Беларусьсю ў несанкцыянаваных месцах. 24 508 зь іх ня трапілі ў краіну.
Паводле зьвестак Дзяржаўнай памежнай службы, акрамя палітыкі вяртаньня, літоўскім памежнікам дапамагалі і працягваюць дапамагаць кантраляваць сытуацыю фізычны бар’ер, усталяваны на мяжы з Беларусьсю, і магчымасьць кантраляваць 100% вонкавай мяжы ЭЗ з дапамогай устаноўленых там сыстэмаў назіраньня. Апошнім часам большасьць мігрантаў, якія спрабуюць трапіць у Літву, не трапляюць на яе тэрыторыю.