На 2025 год квота складае 24 830 чалавек і ахоплівае ўсе прафэсіі і галіны эканомікі. Па стане на 15 кастрычніка ўжо выкарыстаныя 20 502 месцы, а яшчэ 4457 заявак на выдачу дазволаў на часовае пражываньне з мэтай працоўнай дзейнасьці знаходзяцца на разглядзе.
Агульная колькасьць скарыстаных і разгляданых заявак ужо перавысіла ўсталяваны ліміт, таму дэпартамэнт спыніў прыём новых зваротаў аб выдачы дазволаў на працу замежнікам.
Пасля вычарпаньня квоты дазвол на часовае пражываньне ў Літве па падставе працоўнай дзейнасьці можа быць выдадзены толькі ў выключных выпадках — калі заробак замежнага работніка складзе ня менш за 1,2 сярэдняга месячнага брута-прыбытку па краіне (цяпер гэта 2667,6 эўра), альбо калі яго прафэсія ўваходзіць у пералік высокакваліфікаваных і дэфіцытных для літоўскага працоўнага рынку — тады парог зьніжаецца да сярэдняга даходу (2223 эўра).
Форум