Як паведаміла выданьне «БрестСИТИ. Новости», супрацоўнікі прыродаахоўнай інспэкцыі апэратыўна праінфармавалі аб гэтым інцыдэнце чарговага службы «Белгідрамэт», і на месца для аналізу сытуацыі і высьвятленьня прычын выехалі спэцыялісты.
У часе першаснага вывучэньня не змаглі вызначыць дакладныя прычыны гэтай зьявы.
«Уся загінулая рыба мае аднолькавы памер і належыць да аднаго віду — карась. Карась не адносіцца да адчувальных і індыкатарных відаў, гэта значыць ён устойлівы да ўзьдзеяньня шматлікіх таксычных рэчываў», — адзначаецца ў публікацыі.
Вадаём, дзе зафіксавалі паморак рыбы, зьяўляецца тэхналягічным аб’ектам, у якім тэмпэратура вады можа пэрыядычна дасягаць высокіх паказьнікаў.
«Па выніках першых аналізаў, узровень кіслароду ў вадзе адпавядае норме. Цяпер Рэспубліканскі цэнтар аналітычнага кантролю праводзіць паглыбленыя дасьледаваньні хімічнага складу вады для высьвятленьня прычын», — адзначыла выданьне.
У аб’яднаньні «Белэнэрга», у якое ўваходзіць Бярозаўская ГРЭС, паведамілі, што цяпер энэргетыкі разам з прыродаахоўнымі ведамствамі арганізавалі сталы маніторынг сытуацыі.
«Спэцыялісты сьцьвярджаюць, што перавышэньняў норм па выкідах ГРЭС не было. У якасьці асноўных прычын разглядаюць прычыны прыроднага характару, у тым ліку выдзяленьне таксінаў багавіньнем», — адзначаецца ў афіцыйным паведамленьні.
Форум