У паведамленьні з спасылкай на іншых мігрантаў сьцьвярджаюць, што іх на латвійскім баку «затрымалі і жорстка білі з выкарыстаньнем электрашокера, ад атрыманых траўмаў адзін грамадзянін памёр».
Згодна з інфармацыяй Памежнага камітэту Беларусі, з пачатку мігранцкага крызісу на беларуска-латвійскай мяжы знайшлі целы 35 мігрантаў.
ГЛЯДЗІЦЕ ТАКСАМА: Літва разьвярнула 39 мігрантаў, якія спрабавалі незаконна трапіць зь Беларусі21 кастрычніка ў Службе аховы дзяржаўнай мяжы Літвы паведамілі аб перадухіленьні незаконнага перасячэньня мяжы зь Беларусьсю 39 грамадзянамі, на мяжы Латвіі і Беларусі таксама зафіксавана 39 спробаў незаконнага перасячэньня мяжы за апошнія 24 гадзіны. Іх разьвярнулі ў кірунку Беларусі.
Міграцыйны крызіс на межах Беларусі і краін ЭЗ працягваецца зь вясны 2021 году. Улады суседніх эўрапейскіх дзяржаваў лічаць яго «гібрыднай атакай», арганізаванай рэжымамі ў Менску і Маскве.
Аляксандр Лукашэнка ня раз заяўляў, што беларускія памежнікі ня будуць спыняць нелегальных мігрантаў, якія ідуць у Эўразьвяз празь Беларусь, бо іх туды нібыта «паклікалі».
ГЛЯДЗІЦЕ ТАКСАМА: «Тонкая наладка»: як Лукашэнка кіруе міграцыйным крызісам. Дасьледаваньне Свабоды