Часовага паверанага ў справах Беларусі выклікалі ў міністэрства замежных спраў Літвы, каб уручыць яму ноту пратэсту, накіраваную на адрас беларускага замежнапалітычнага ведамства, піша Delfi.
Рашучы пратэст літоўскага боку на адрасе Менску заяўлены ў сувязі з частымі і рэгулярнымі парушэньнямі літоўскай паветранай прасторы. Уварваньне паветраных шароў у прастору краіны з боку Беларусі ў ноч 21 кастрычніка стварыла пагрозы грамадзянскім авіяцыі і бясьпецы. Акрамя таго, Віленскі аэрапорт зазнаў фінансавых стратаў.
ГЛЯДЗІЦЕ ТАКСАМА: Літва закрые мяжу зь Беларусьсю, калі сытуацыя з зондамі паўторыцца, заявілі ў ВільніМіністэрства замежных спраў Літвы запатрабавала ад Беларусі навесьці парадак паветраную прастору, расьсьледаваць старыя выпадкі і не дапускаць новых. У выпадку паўторных парушэньняў Літва пакідае за сабою права прыняць контразахады.
Віленскі аэрапорт не працаваў праз паветраныя шары кантрабандыстаў з 22:30 да 6:30. Праз гэта каля 3-й гадзіны ночы літоўскі бок зачыніў на некалькі гадзін усе памежныя пераходы зь Беларусьсю.
ГЛЯДЗІЦЕ ТАКСАМА: «Кожнае перасячэньне мяжы — гэта стрэс». Як беларусы ўначы перасякалі мяжу зь Літвой, дзе часова закрывалі 2 пераходы