Сёлета толькі з жніўня па кастрычнік украінскія дроны пацэлілі ў 21 расейскі нафта- і газаперапрацоўчыя заводы.
«Па 8 зь іх нанесьлі некалькі ўдараў (ад двух да пяці). Найбольш інтэнсіўныя атакі адбыліся на Паволжа, Самарскую вобласьць, Краснадарскі край і Башкартастан», — паведаміў кіраўнік украінскага Цэнтру вывучэньня акупацыі Пятро Андрушчанка.
Паводле яго, па Саратаўскім НПЗ нанесьлі 5 удараў, па Разанскім — тры, па Афіпскім і Сызранскім НПЗ — па тры, па аб’ектах «Башнафты» — таксама тры.
«За тры месяцы ўдараў пацярпелі ўсе ключавыя рэгіянальныя цэнтры перапрацоўкі нафты ў эўрапейскай частцы Расеі. Больш за палавіну атак адбылася ў верасьні—кастрычніку, што сьведчыць аб сыстэмнасьці і дакладнасьці пацэльваньняў. Увогуле — больш за 40 пацьверджаных пацэльваньняў ператварае летне-восеньскі пэрыяд на найбольш маштабную хвалю атак па расейскай паліўнай інфраструктуры за ўвесь час вайны», — падкрэсьліў Пятро Андрушчанка.
ГЛЯДЗІЦЕ ТАКСАМА: Дроны атакавалі тры расейскія заводыУкраіна ў часе вайны актыўна атакуе расейскія стратэгічныя заводы, якія працуюць на вайсковую прамысловасьць Расеі, часта гэта нафтаперапрацоўчыя прадпрыемствы. Мэта ўкраінскага боку — зьніжэньне магчымасьцяў ворага падсілкоўваць свае войскі для вайны супраць Украіны.
ГЛЯДЗІЦЕ ТАКСАМА: «Чым больш Беларусь будзе забесьпячваць Расею палівам, тым большай будзе пагроза для беларускіх НПЗ»