Як паведаміла выданьне «Позірк», ведамства рэкамэндавала ізраільцам, якія плянуюць паездкі ў Беларусь па сушы, «разгледзець неабходнасьць» такой паездкі ў гэты час або «разгледзець магчымасьць прыбыцьця ў краіну авіярэйсам».
«Грамадзяне Ізраілю, якія знаходзяцца ў Беларусі і хочуць вярнуцца ў Ізраіль, могуць вылецець зь Менску ў іншыя пункты прызначэньня і адтуль прадоўжыць шлях у Ізраіль», — адзначылі ў замежнапалітычным ведамстве.
Усе пункты пропуску на беларуска-літоўскай мяжы будуць закрытыя сама меней да 30 лістапада. Потым разгледзяць пытаньне аб мэтазгоднасьці адкрыцьця ці працягу ўжо ўхваленага рашэньня.
Да гэтага Літва закрывала мяжу некалькі разоў праз паветраныя балёны з кантрабанднымі цыгарэтамі, якія пагражалі бясьпецы аэрапорту ў Вільні. Упершыню мяжу закрылі ў ноч на 22 кастрычніка.
Аляксандар Лукашэнка 31 кастрычніка заявіў, што нібыта літоўцы «самі з тэрыторыі Беларусі перакідвалі цыгарэты на мэтэаралягічных зондах», каб зарабіць на іх перапродажы.
ГЛЯДЗІЦЕ ТАКСАМА: 545 балёнаў з кантрабандай і 50 дронаў за гэты год. Памежнікі Літвы расказалі Свабодзе, што прылятае да іх зь Беларусі