Паводле «Белстату», у выніку трох кварталаў спад у апрацоўчай прамысловасьці ў параўнаньні з трыма кварталамі мінулага году склала 3%.
Нарастаюць запасы на складах. Калі на 1 кастрычніка летась на складах захоўвалася 61,7% месячнага аб’ёму вытворчасьці прадукцыі, то сёлета — 80,1%, а на складах прадпрыемстваў Менску — 119,1%. Гэта значна перавышае прынятыя ў галіне нарматывы.
Больш стратных прадпрыемстваў. Калі ў студзені–жніўні 2024 году іх было 409, то за такі ж пэрыяд гэтага году — 489. Праўда, сума стратаў на кожнае прадпрыемства зьнізілася. Годам раней кожнае прадпрыемства было вінаватае 6,7 мільёна рублёў, сёлета — 4,4 мільёна.
ГЛЯДЗІЦЕ ТАКСАМА: Лукашэнка зацьвердзіў прагноз на 2026 год: рост ВУП на 2,8% і рэальных даходаў на 4,8%Дакладнай статыстыкі ў канкрэтных галінах прамысловасьці Белстат ужо некалькі гадоў не падае. Затое паведамляе, што аб’ём грузаабароту за студзень–верасень 2025 году склаў 96,6%, а гуртовага гандлю — 93,6% ад такога ж пэрыяду мінулага году.
Гэтыя паказьнікі сьведчаць пра сыстэмныя праблемы ў апрацоўчай прамысловасьці — яе прадукцыя не прадаецца і не вывозіцца на ранейшым узроўні. Прырост валавога ўнутранага прадукту (ВУП), які за 9 месяцаў склаў 1,6%, падтрымлівае толькі спажываньне саміх беларусаў. Як паведамляе Белстат, аб'ём раздробнага тавараабароту вырас на 8,2%, грамадзкага харчаваньня на 5,6%, пасажыраабароту на 6,5%.
16 кастрычніка Аляксандар Лукашэнка прызнаў правал трох зь пяці плянавых паказьнікаў у эканоміцы Беларусі: прырост ВУП, аб’ем экспарту, узровень інфляцыі. Сярод прычынаў ён назваў эканамічны спад у «асноўнага партнэра» Беларусі — Расеі.
ГЛЯДЗІЦЕ ТАКСАМА: Лукашэнка прызнаў правал трох зь пяці плянавых паказьнікаў у эканоміцы Беларусі ГЛЯДЗІЦЕ ТАКСАМА: Белстат паведаміў пра спад вытворчасьці, перавозак грузаў, гуртовага гандлю