Кіраўнік літоўскага Нацыянальнага цэнтру кіраваньня крызіснымі сытуацыямі Вільмантас Віткаўскас заявіў, што ў суботу ўвечары давялося часова прыпыніць працу Віленскага аэрапорту, бо адзін з стацыянарных мэтэаралягічных зондаў апынуўся ў небясьпечнай зоне.
«Адзін мэтэаралягічны шар апынуўся ў вельмі небясьпечнай зоне. У зоне, якая выкарыстоўваецца для траекторыі пасадкі і ўзьлёту зь Віленскага аэрапорту. З гэтай прычыны было прынята рашэньне часова прыпыніць палёты», — заявіў Віткаўскас у камэнтары радыёстанцыі LRT.
Паводле слоў кіраўніка цэнтру, нэўтралізаваць паветраны шар у вышэйзгаданай зоне было небясьпечна. Паводле слоў Віткаўскаса, радары паветранага назіраньня зафіксавалі каля дзесяці небясьпечных пазнак. Тры зь іх вызначылі як паветраныя шары.
«Гэтыя паветраныя шары не былі настолькі небясьпечнымі, і з той колькасьці, якую я назваў, два ўжо былі знойдзеныя пры пасадцы на тэрыторыі Літвы», — сказаў Віткаўскас.
ГЛЯДЗІЦЕ ТАКСАМА: Над віленскім аэрапортам зноў закрывалі неба праз паветраныя шарыПраз рызыкі, якія нясуць мэтэаралягічныя шары, рух паветраных суднаў у аэрапорце Вільні часова прыпыняўся ў суботу ўвечары.
Рух паветра на лётнішчы быў часова прыпынены, а 20:45, паведамляе Oro navigacija. Праца аэрапорту аднавілася, а 21:50.
Да 27 кастрычніка памежная служба Літвы падчас залёту балёнаў з кантрабанднымі цыгарэтамі двойчы цалкам закрывала мяжу зь Беларусьсю на некалькі гадзін уначы. А з 27 кастрычніка закрыла яе для беларусаў цалкам. Закрыцьцё мяжы будзе дзейнічаць да першай гадзіны ночы беларускага часу 1 сьнежня — з магчымасьцю падаўжэньня.
ГЛЯДЗІЦЕ ТАКСАМА: Чаму Літва закрыла мяжу цяпер, хоць балёны зь Беларусі лятаюць ужо даўно?