Аднак, як адзначаецца ў паведамленьні банку, магчымыя «лякальныя праблемы ў Эўропе праз пэрсанальныя рашэньні замежных контрагентаў у дачыненьні да беларускіх картаў».
Паведамляюць, што з банкам перастане працаваць сэрвіс Apple Pay (сыстэма мабільных платаў і электронны гаманец ад карпарацыі Apple).
«Мы ведаем, наколькі гэта важна для ўладальнікаў iPhone, таму распрацавалі рашэньне, каб звыклы спосаб аплаты застаўся з вамі. Ужо ў сьнежні мы выпусьцім аплатныя стыкеры», — заявілі ў банку.
Банк таксама паведаміў, што недаступныя стануць падпіскі Apple — аплаты, якія ідуць праз Apple ID. У банку заявілі, што прыкладаюць «усе намаганьні», каб разьвязаць гэтае пытаньне, і парэкамендавалі пакуль «скарыстацца картай іншага банку для аплаты падпісак».
Астатнія аплатныя сэрвісы (Samsung Pay, Swoo Pay) будуць працаваць, аплікацыя INSNC таксама, гаворыцца ў паведамленьні.
У 19-ы санкцыйны пакет ЭЗ супраць Расеі і Беларусі ўнесеныя тры беларускія банкі — «Альфа-Банк», «Сбер Банк (Беларусь)» і «Банк ВТБ (Беларусь)». Беларускі «Альфа-Банк» знаходзіцца пад санкцыямі Вялікай Брытаніі.
У 2022 годзе, пасьля пачатку расейскай ваеннай агрэсіі ва Ўкраіне, ЗША і ЭЗ наклалі санкцыі на расейскі «Альфа Банк».
Форум