Гадзіньнікаў ня будуць пераводзіць, сярод іншых краін, у Беларусі, Расеі, Індыі, Японіі і Кітаі.
Пасьля зьмены часу на зімовы гадзіньнікі ў Беларусі будуць апярэджваць гадзіньнікі ў Польшчы на 2 гадзіны, а ў Літве, Латвіі і Ўкраіне — на 1 гадзіну. У Беларусі і Расеі час застанецца аднолькавы.
- 15 верасьня 2011 году ўрад Беларусі пад кіраўніцтвам Міхаіла Мясьніковіча прыняў пастанову аб спыненьні пераводу гадзіньнікаў у Беларусі і пакінуў краіну на летнім часе, які супадае з маскоўскім.
- Аляксандар Лукашэнка заяўляў, што ён катэгарычна супраць пераводаў гадзіньнікаў. «Добра, мы дарослыя. Але мы ж дзяцей тузаем: ім у школу, у дзіцячы садок на гадзіну раней трэба, – казаў Лукашэнка. – А што датычыцца эканомікі, то наўрад ці мы ўжо нешта шмат выйграем. Таму я не прыхільнік круціць гадзінамі туды-сюды».
- У 2019 годзе Эўрапейскі парлямэнт прагаласаваў за адмену абавязковага для ўсіх краін Эўразьвязу адначасовага пераходу на летні час. Рашэньне мела набыць моц сёлета, але з увагі на пандэмію COVID-19 было адкладзенае.
- Натуральным геаграфічным часам лічыцца зімовы час.
