Полк Каліноўскага ўключаны ў Расеі ў пералік «экстрэмісцкіх» і «тэрарыстычных» арганізацый

Адпаведная інфармацыя апублікаваная на сайце Фэдэральнай службы ў фінансавым маніторынгу (Росфінманіторынг).

Пра гэта паведамляе інфармацыйнае агенцтва «Позірк».

Адзначана, што ПКК уключаны ў згаданы сьпіс арганізацый «з уваходнымі ў яго структурнымі падразьдзяленьнямі».

ГЛЯДЗІЦЕ ТАКСАМА:

У дачыненьні пяці «каліноўцаў» распачалі спэцыяльнае вядзеньне, сьледзтва вядуць завочна

Батальён імя Кастуся Каліноўскага быў створаны 9 сакавіка 2022 года неўзабаве пасьля пачатку поўнамаштабнай вайны Расеі супраць Украіны. 26 сакавіка таго ж года ён увайшоў у склад Узброеных сілаў Украіны, а 21 траўня 2022 году было абвешчана аб яго трансфармацыі ў полк.

Беларускія ўлады прызналі ПКК спачатку «экстрэмісцкім фармаваньнем», а затым «тэрарыстычнай арганізацыяй».