Як адзначаецца ў апублікаванай на Нацыянальным прававым інтэрнэт-партале Беларусі пастанове, цяпер замежнікі могуць атрымаць працу па 29 прафэсіях рабочых і па 18 спэцыяльнасьцях служачых.
У 2024 годзе пералік уключаў 20 прафэсій рабочых і 15 пасадаў службоўцаў.
З 1 студзеня 2026 году замежнікаў змогуць прымаць гароднінаводамі, на шэраг рабочых вакансій у прамысловасьці па апрацоўцы скуры, прадаўцамі, інжынэрамі-электронікамі, электрамэханікамі, мэдычнымі братамі па ўсіх мэдычных спэцыяльнасьцях, тэхнікамі і фэльчарамі па ўсіх мэдспэцыяльнасьцях.
«Пры прыёме на працу замежнікаў па прафэсіях і на пасады, уключаныя ў пералік, наймальнікам дастаткова паведаміць орган унутраных спраў. У іншых выпадках наймальніку трэба атрымаць спэцыяльны дазвол і давесьці, што вольныя працоўныя месцы ня могуць заняць грамадзяне Беларусі і замежнікі, якія маюць дазвол на жыхарства», — адзначылі ў Міністэрстве працы і сацыяльнай абароны Беларусі.
Згодна зь інфармацыяй Службы занятасьці, на 28 кастрычніка ў Беларусі налічваецца 178 663 вакансій і 16 276 рэзюмэ ў гэтым жа банку.
Форум