Як паведамілі ў Міністэрстве надзвычайных сытуацый Беларусі, папярэдне пацярпелі 4 чалавекі, пашкоджаньні атрымала суседняя ёмістасьць з салянай кіслатой.
На месцы здарэньня працуюць 8 адзінак тэхнікі ведамства.
У Міністэрстве аховы здароўя адзначылі, што на прадпрыемства накіравалі мэдычную брыгаду для наданьня дапамогі пацярпелым.
«Пацярпелі чатыры працаўнікі прадпрыемства: усе яны зь хімічнымі апёкамі, камбінаванымі траўмамі знаходзяцца ў Салігорскай ЦРБ», — адзначылі ў ведамстве.
Органы дзяржаўнага нагляду цяпер праводзяць маніторынг паветра на прамысловай пляцоўцы.
ААТ «Беларуськалій» у сваім тэлеграм-канале пацьвердзіла ўцечку салянай кіслаты на прадпрыемстве.
Падкрэсьліваецца, што «выцек прыпынены, ажыцьцяўляецца перапампоўка вадкасьці з абвалаваньня пры дапамозе помпаў у чыгуначную цыстэрну».
«Адміністрацыя ААТ „Беларуськалій“ паведамляе, што ў зону хімічнага заражэньня пры выкідзе салянай кіслаты горад Салігорск не трапляе», — заявілі на прадпрыемстве.
Форум