«Будзем гаварыць пра тое, што адбылося ўчора — пра размову з Пуціным. Хачу сказаць, што справы ідуць даволі нядрэнна... Пуцін казаў, што хоча скончыць вайну. Я думаю, мы гэта зробім», — сказаў Трамп.
Наконт магчымай пастаўкі ракет «Тамагаўк» Украіне Трамп пацьвердзіў, што гэта будзе абмяркоўвацца на сустрэчы. Аднак ён не сказаў, ці прыняў рашэньне адносна гэтага.
«Мы самі маем патрэбу ў „Тамагаўках“, але нам таксама трэба скончыць гэтую вайну... Мы думаем, што лепш скончыць гэтую вайну без „Тамагаўкаў“, я думаю, мы блізкія да гэтага», — сказаў прэзыдэнт ЗША
У сваю чаргу, Уладзімір Зяленскі падзякаваў Трампу за запрашэньне на сустрэчу і за дапамогу.
«У нас няма „Тамагаўкаў“ — гэта нам трэба. У ЗША ёсьць вельмі магутныя і іншыя ракеты. Але ў іх няма тысячы дронаў, як у нас... У нас ёсьць вельмі моцная прапанова», — дадаў прэзыдэнт Украіны.
Прэзыдэнт ЗША прызнаў, што ўдары амэрыканскімі ракетамі «Тамагаўк» па цэлях у глыбіні Расеі будуць «эскаляцыяй», але пацьвердзіў, што гэтае пытаньне будзе абмяркоўвацца на сустрэчы зь Зяленскім.
Форум