У Каардынацыйнай радзе абгрунтавалі гэтае рашэньне «няўдзелам дэлегаткі ў працы дэлегацыі», як гэта прадугледжвае палажэньне аб дэлегацыі Каардынацыйнай рады ў ПАРЭ.
«Фракцыя падкрэсьлівае сваю прыхільнасьць да прынцыпаў адказнага прадстаўніцтва і эфэктыўнага ўдзелу ў міжнародных пляцоўках. Усе чальцы дэлегацыі павінны актыўна ўдзельнічаць у працы ПАРЭ, прадстаўляць інтарэсы Каардынацыйнай рады і беларускага грамадзтва і спрыяць умацаваньню сувязяў з эўрапейскімі партнэрамі», — адзначаецца ў паведамленьні Каардынацыйнай рады.
Што папярэднічала
30 жніўня дэлегатка КР (фракцыя «Хопіць баяцца!»), экс-адвакатка Вольга Карпушонак абвінаваціла кіраўніка «Народнага антыкрызіснага ўпраўленьня» (НАУ), намесьніка кіраўніцы Аб’яднанага пераходнага кабінэта Паўла Латушку ў сэксуальных дамаганьнях.
1 верасьня яна паведаміла аб гатоўнасьці «пацьвярджаць свае словы канкрэтнымі фактамі».
Латушка назваў гэтыя абвінавачаньні «хлусьнёй і паклёпам», а празь некалькі дзён зьвярнуўся ў польскія суды з пазовам аб абароне гонару і годнасьці на дэлегатку Каардынацыйнай рады (КР) Вольгу Карпушонак.
Аб’яднаны Пераходны Кабінэт пацьвердзіў свой поўны давер і падтрымку Паўлу Латушку і заклікаў грамадзянскую супольнасьць і міжнародных партнэраў крытычна ставіцца да такіх інфармацыйных атак.
Форум