«У нас пакуль няма такой інфармацыі падчас дасудовага расьсьледаваньня», —заявіла генэральны пракурор Літвы Ніда Грунскене, адзначыўшы, што падчас дасудовага расьсьледаваньня ўстанаўліваюцца падазроныя і ў дачыненьні да іх выбіраецца мера стрыманьня.
Па словах Грунскене, сытуацыя знаходзіцца пад кантролем.
«Я не магу сказаць, колькі цяпер вядзецца дасудовых расьсьледаваньняў, накшталт 13. Аднак эпізодаў вельмі шмат, яны аб’ядноўваюцца ў дасудовыя расьсьледаваньні», — сказала генпракурор.
Дырэктар Дэпартамэнта дзяржбясьпекі (ДДБ) Літвы Рэмігіюс Брыдыкіс, выказаў упэўненасьць, што беларускія ўлады ў курсе таго, што адбываецца.
«Яны разумеюць, і Менск выдатна ацэньвае сытуацыю.... Але мы пакуль ня можам назваць мэту. Так, яны хочуць нас дэстабілізаваць, але відаць, што дэстабілізацыя не адзіная мэта... Відаць, ёсьць і іншыя мэты. Але пакуль адказаць ня можам», — сказаў кіраўнік ДДБ.
- 29 кастрычніка літоўскага ўрад плянуе вырашыць лёс закрытых з вечара 26 кастрычніка апошніх пунктаў пропуску, якія працавалі на мяжы з Беларусьсю. На пасяджэньні Камісіі па нацыянальнай бясьпецы 27 кастрычніка вырашана, што ваенныя пачнуць прымяняць адпаведныя кінэтычныя сродкі для прызямленьня мэтэазондаў, якія ўрываюцца ў паветраную прастору краіны.
- Мінулай ноччу з прычыны залёту аэрастатаў чацьвёрты раз за тыдзень таксама прыпыняў працу аэрапорт у Вільні (на сем гадзін).
- Раней прэзыдэнт Літвы Гітанас Наўседа прапанаваў абмежаваць транзыт з Беларусі ў Калінінградзкую вобласьць (РФ) з прычыны залёту ў краіну аэрастатаў.
- Пункт пропуску Салечнікі цалкам закрыты, празь Меднікі з 14:30 прапускаюць «некаторыя катэгорыі асобаў».
Форум